Urtarrilak 29, Screamers and Sinners taldea, Kaleko Mobidan!

Asteazken honetan gaueko 23.00tatik aurrera, Screamers and Sinners taldeko kideen bisita jasoko dugu Kaleko Mobida punk-oi! irratsaioan, beraien lehen diskoa den "Demon tales" aurkeztuko digutelarik. Kronikak, musika berria eta agenda bete betea ere izango dugu! EH-ko Punk-oi! seinalean!

Bihar Urtarrilak 22, Gernikako III. Underground Gauen kronika!

Asteazken honetan gaueko 23.00tatik aurrera, Gernikako Underground gauen III. edizioaren kronika sakona egingo dugu Kaleko Mobida punk-oi! irratsaioan, antolatzaileetako baten laguntzarekin (Rai). Beste alde batetik, Asier (Moto) gure kolaboratzailea ere bertan izango da eszenako nobedadeak helaraziz. Kronikak, musika berria eta agenda bete betea! EH-ko Punk-oi! seinalean!

Urtarrilak 15, Gabonetako Kronika, Kaleko Mobidan!

Asteazken honetan gaueko 23.00tatik aurrera, Gabonetako kronika sakona eginez emango dio hasiera 2014ari Kaleko Mobida punk-oi! irratsaioak. Abenduak 21eko Elgetako Ostiada Oi! taldearen kontzertua, Abenduak 27ko Algortako Erasokaren geroartea eta Abenduak 30eko DOKAko kontzertuen kronika egingo dugu, beraietako zuzeneko abestiak entzunez. Bestetik agenda bete betea eta berria andana izango ditugu. Hau guztia Euskal Herriko Punk-oi!aren seinale onenean.

Abenduak 18, Aurtengo azken irratsaioa Kaleko Mobidan!

Asteazken honetan gaueko 23.00tatik aurrera, 2013ari agur esango dio Kaleko Mobida punk-oi! irratsaioak. Gernikako Underground gauen II. edizioaren kronika sakona egingo dugu Erasoka taldeko Ibon abeslariarekin batera. Honek, Erasoka taldearen egoera eta etorkizunaz ere hitz egingo digu. Hortaz aparte, Skarmento talde galiziarrari eta gure lurretako gaur eta egungo musika entzungo dugu. Gabon zoriontsuak eta urte berri on! Oi!

Abenduak 11, Bizkaia eta Gipuzkoako hainbat berri Kaleko Mobidan!

Asteazken honetan gaueko 23.00tatik aurrera, Gipuzkoa eta Bizkaiako aktualitateari egingo diogu so Kaleko Mobida punk-oi! irratsaioan. Beti Etxetik Kanpo eta Silikosos bizkaitarrek atera duten "Horror Show" erdi-banako laneko bi abesti, Aretxabaletako Screamers and Sinners taldearen disko aurrerapena, Hardflip bergarako hardcore taldearen "kopixau ta rulau" lana eta NCK taldearen maketa ere aurkeztuko dugu. Horretaz aparte kronika, berri, agenda eta durangoko azokan lortu genituenak komentatuko ditugu.

Abenduak 4, Bizirik eta Ostikoka festa, Kaleko Mobidan!

Asteazken honetan, pasa den larunbatean Ibarrako gaztetxean ospatu zen "Bizirik eta ostikoka" festaren kronika luze eta sakona izanen dugu Kaleko Mobida punk-oi! irratsaioan. Elkarrizketa zabal bat izango dugu antolatzaileekin egungo musika europearraz girotuta. Agenda eta berrien atala ere bete betea izango dugu.

Azaroak 27, Etxeko eta nazioarteko berriak, Kaleko Mobidan!

Bi asteko "oporren" ondoren hemen da bueltan Kaleko Mobida punk-oi! irrasaioa. Gaur Trastorno mañariarren "Mañaria Beach" bigarren diskoa eta Lion`s Law parisdarren "A day will come" lehen diskoa aurkeztuko dizkizuegu. Horretaz aparte Oldarkor Debako talde berria, Basura talde mitikoaren lehen disko aurrerapena eta Knock Out madrildarren disko aurrerapenak aipatuko ditugu. Hau guztia berri askoz eta agenda bete bete batez lagunduta.